“Kubyara nkagwiza nacyo bitwaye na Bob Marley yarabikoze kandi yapfuye tukimukunda” Diamond I Kigali

Diamond mu kiganiro n'itangazamakuru i Kigali ( photo internet ) 

Umuhanzi w’icyamamare mu karere no muri afurika yose muri rsange Diamond Platnumz uri mu ruzinduko mu Rwanda, mu kiganiro yagiranye n’itangazamakuru yameje ko kubyara  abana besnhi ari ntacyo bitwaye kuko ngo aricyo imana yasabye bantu , icyangombwa ari inzira byakozwemo.

Ku munsi wambere w’uruzinduko yagiriye mu Rwanda  kuri uyu wa 19 mutarama , yahise ajya gusura ikigo gifasha abana batabona mu gatsata , kuri iki gicamutsi agirana ikiganiro n’itangazamakuru asubiza byinshi mu bibazo yibazwaho birimo gahunda zamuzanye mu Rwanda, impamvu akunzwe cyane muri iyi minsi, ibijyanye n’inzu agiye kugura ndetse n’ibyibanda ku mibereho ye bwite n’umuryango we.

Ku munsi wa mbere w’uruzinduko rwe yagiranye ikiganiro n’itangazamakuru, asubiza byinshi mu bibazo yibazwaho birimo gahunda zamuzanye mu Rwanda, impamvu akunzwe cyane muri iyi minsi, ibijyanye n’inzu agiye kugura ndetse n’ibyibanda ku mibereho ye bwite n’umuryango we.

Ku kibazo kijyanye n’uburyo abanamo na Zari kandi akavugwaho kumuca inyuma, Diamond yagize ati “Njye nta mugore ngira mu byumve neza, na Zari si umugore wanjye ni umukunzi wanjye."

Diamond yanabajijwe impamvu ashinjwa kubyara abana benshi impande n’impande.Yavuze ko mu byo akora apfa kuba nta mategeko yica, yongeraho ko kuba afite abana benshi bitabangamira umuziki we. Yemera batatu gusa.

Yagize ati “Njye simfite abana benshi ni batatu gusa, mfite Abdoul, nkagira Tiffah na Nillan nabyaranye n’umukunzi wanjye nkunda cyane Zari. Kugira abana benshi si icyaha kandi Imana yaravuze ngo mugende mubyare mwuzure isi. Icya mbere rero ni ukuyuzuza binyuze mu nzira zemewe, nkunda abana ntababeshye, kubyara si ikibazo kuko na Nyakwigendera Bob Marley ndakeka ntarageza ahe kandi yatabarutse yirahirwa kandi ari igihangange.”

Yavuze ko yaje mu Rwanda mu bucuruzi, harimo gushaka inzu azagira urugo rwe mu Rwanda akajya aza kuharuhukira, ibikorwa byo gusura inzu azatoranyamo iyo kugura azabikora muri izi mpera z’icyumweru.

Diamond yaniyemeje kwagurira mu Rwanda ubucuruzi akora burimo ubw’ubunyobwa bwitwa “Diamond Karanga” n’umubavu we witwa “Chibu Parfum” ndetse mu minsi iri imbere ngo arashaka kuzashinga inzu y’umuziki i Kigali.

 yageze mu Rwanda mu gitondo cyo ku wa Gatanu tariki ya 19 Mutarama 2018, aho biteganijwe ko  azamara iminsi 4 muri gahunda zinyuranye, ku munsi wa mbere akaba yasuye ikigo cyita ku bana batabona mu gatsata barerwa na Jordan Foundation akaba yanabemereye inkunga ikomeye yo kubasha gusuzumwa  no kuvurwa mu gihe cy'umwaka, akaba yanabagenewe inkunga y'ibiribwa, ibintu yashimiwe cyane na benshi