Leta yabuze ayo ihemba abasirikare ibahatira ikibari ( ikiruhuko ).

Abasirikare ba Namibia baroherezwa mu kiruhuko muri uku kwezi kubera ko nta mafaranga Leta ifite yo guhaha ibyo kurya, kugura umuriro n’amazi mu bigo birindwi bibacumbikiye.

BBC yatangaje ko abasirikare bari basanzwe mu kiruhuko basabwe kugumayo.

Ibyo bibazo biri guterwa n’uko ingengo y’imari igenerwa igisirikare yagabanyijwe muri gahunda ya leta yo kugabanya amafaranga isohora.

Byatumye kandi Perezida Hage Geingob atanga itegeko ribuza abayobozi barimo ba Minisitiri, ababungirije n’abandi kujya hanze mu gihe bagiye mu ngendo z’ubucuruzi.

Perezida Geingob na we yahagaritse gukoresha indege imugenewe ndetse mu nama iherutse y’abakuru b’ibihugu bigize Umuryango w’Afurika Yunze Ubumwe yagiye mu ndege zisanzwe zitwara abagenzi.

Umuvugizi w’Umukuru w’Igihugu, Albertus Aochamub, yavuze ko Geingob azajya ajya mu ngendo zo hanze za ngombwa kandi aherekezwe n’abantu bake.

Amadeni ya Namibia yatangiye kuba menshi mu minsi ishize, byatumye abashoramari baburirwa kwitondera ubukungu bw’icyo gihugu.