Radio ( wo muri Good Life ) imashimi yahumekeragamo yakuweho.

Umuririmbyi Moses Ssekibogo [Moze Radio] uzwi cyane mu itsinda rya Good Life ahuriyemo na Weasel nyuma yo gukubitwa n’umu-bouncer akamuhindura intere  bigatuma  anajya muri ’Coma’, Nyina  umubyara yatangaje ko yatangiye  koroherwa aho ngo ubu yatangiye guhumeka hatifashishijwe imashini.

Jane Kasubo, mama wa radio yatangarije itangzamakuru ko amakuru ari gukwirakwizwa ko umuhungu we ameze nabi ko Atari byo,  ahubwo ko yatoye mitende  kuko ngo ubu  ari guhumeka ku bwe, imashini zamufashaga zakuweho.

 Uyu mugabo nyuma yo gukubitwa bikomeye amakuru yakwirakwiye yemeza ko yb yakomeretse cyane ku mutwe ko ku ijosi, ariko nta makuru ya nyayo y’uko yakomeretse yatangajwe .

Nyuma yo gukubitwa bikomeye abakekwa bose btawe muri yombi harimo n’umuyobozi w’akabari yakubitiwemo.

Radio agikubitwa yabanje kujyanwa ku bitaro bya Nsambya Hospital i Kampala, ariko inshuti zahamgujeje zisanga ahakirirwa indembe huzuye, ni ko guhita ajyanwa kuri Case Clinic aho yahise atangira kwitabwaho n’abaganga.

Ibibazo byo gushyamirana n’abantu mu kabari byatumye Radio akubitwa akajya muri ’coma’ byabaye ubwo bari mu ifatwa ry’amashusho y’indirimbo bahuriyeho n’umuririmbyi witwa Spice Diana ubu ukunzwe  muri Uganda.

Uyu muhanzi aririmbana na Douglas Mayanja, uzwi nka Weasel bamenyekanye mu ndirimbo nyinshi nka  ‘Bread & Butter’, ‘Amaaso’,  , ‘Talk & Talk’ Play It Again’ bakoranye na Dj Pius wo mu Rwanda n’izindi