Karekezi Olivier yakuyeho urujijo, anizeza Rayon sport byinshi

Umutoza Mukuru wa Rayon Sports, Olivier Karekezi, wari werekeje ku mugabane w’u Burayi mu Cyumweru gishize bikavugwa ko ashobora kugumayo, yagarutse mu Rwanda anavuguruza ibyavuzwe ko ashobora kugumayo, yemeza ko ahubwo aje guha rayon sport ibirenze kubyo yakoze.

Nyuma gufungwa akekwako kugambanira igihugu ariko akaza kugirwa umwere akarekurwa ;  Mu cyumweru gishize nibwo yafashe indege asubira muri Suède bituma havugwa ko ashobora kutazagaruka gusa mu rukerera rwo kuri uyu wa Gatandatu yageze i Kigali avuga ko yari yaherekeje umuryango we ariko akiri umutoza wa Rayon Sports.

Yagize ati “Nari njyanye umuryango, umugore wanjye yagombaga gusubira mu kazi n’abana bagomba gusubira mu ishuri. Nari nabivuganye n’ubuyobozi bwa Rayon Sports ko nzagaruka ni nayo mpamvu ndi hano.”

Yashimangiye ko nta gahunda afite yo kuva muri Rayon Sports kuko afite amasezerano y’imyaka ibiri agomba kubaha ahubwo yifuza kwitwara neza mu mikino ibiri y’irushanwa ry’Intwali isigaye n’iya shampiyona bazakina mbere yo gutangira urugamba rukomeye mu mukino ya CAF Champions League, aho yifuza kugeza iyi kipe kure hashoboka agaha abafana ibyishimo.

Uretse kuyihesha ibikombe bitatu byo mu marushanwa yandi, kuva yafata Rayon Sports, Karekezi yatoje imikino umunani muri shampiyona atsinda ine, anganya ibiri atsindwa ibiri, ikipe ye ikaba ihagaze ku mwanya wa kane n’amanota 15 irushwa na AS Kigali ya mbere atatu gusa yo iracyafite umukino w’ikirarane uzayihuza na Musanze FC.

Mu gihe gito  Karekezi amaze mu Rwanda anatoza rayon sport yayagizemo ibihe byiza birimo kuba yaregukanye ibikombe bitatu nk’icy’Agaciro, icya FezaBet n’icya Super Cup . Uyu munsi ngo akaba arahita jya gushyigikra Rayon sport  ku mukino urayihuz na Police fc.