Rick Ross yasibye amafoto yose ya Diamond

Umuraperi w’icyamamare ku isi Raphael Rickross   yasibye amafoto yose y’umuhanzi ukomeye muri Afurika Diamond Platinumz yari yarasize ku rukuta rwe rwa instagram ; aya mafoto Rick Ross akaba yari yayasizeho mu rwego rwo kumwamamaza nk’umwe mu bahararariye ikinyobwa cya Belaire  ku mugabane wa Afurika.

Mu mpera z’umwaka ushize nibwo Diamond  Platinumz  hamwe Umunyakenyakazi  Huddah Monroe batoranijwe n’uruganda rukomeye rwo muri Amerika ngo bahagararire ikinyobwa cya Belaire ku mugabane wa Afurika.

Diamond kandi waherukaga gukorana  na  Rick Ross  indirimbo  yakunzwe , abantu benshi,  cyane cyane Abanyatanzaniya batangajwe no gusanga amafoto yose  ya Diamond  yabaga ku rukuta rwa instagramm rwa Rick Ross yayasibye  agasigaho ay’Umunyakenyakazi   Huddah Monroe gusa.

Isibwa ry’ayo mafoto abantu barakibaza niba risobanura ko Diamond yakuwe ku guhagararira icyo kinyobwa ku mugabane wa Afurika ariko  we  nta kintu arabitangazaho. Diamond na we,  ni umuhanzi wihagazeho kuko mu karere ka Afurika y’uburasirazuba ari mu ba mbere bafite amafaranga menshi, akaba ubu arimo gushaka no kwagurira ibikorwa  bye mu Rwanda nk’uko yabitangaje mu minsi mike ishize yahagiriye  uruzinduko.

source : Ghafla.