PGGSS8: Uncle Austin noneho yaje mu bazahatanira Primus Guma Guma SuperStar.

Itsinda Dream Boys ni ryo riheruka kwegukana iri rushanwa.

Ku mugoroba wo kuri uyu wa 14/ Werurwe 2018 nibwo haraye hatangajwe abahanzi 10 bazitabira irushanwa rikomeye mu gihugu rihuza abaririmbyi mu Rwanda, Primus Guma Guma Super Star rigiye kuba ku nshuro ya 8.
 Muri uyu muhango wabereye ku cyicaro cya Bralirwa nk''umuterankunga mukuru w'iri rushanwa, abanyamakuru , abakora umuziki w'amajwi n'abakora amashusho ndetse n'aba DJ , bari baje kumva  uko amajwi batanze batora abahanzi abarurwa.

Umuhanzi Uncle Austin yagaragaye ku rutonde rw'abazahatanira PGGSS8, amaze iminsi akora cyane ndetse yatangirwaga ubuhamya na bamwe mu bahanzi bagenzi be ko adakwiye kubura muri iri rushanwa , bagendeye ku bikorwa bya muzika agaragaza.Umuhanzi Mico The Best yari aherutse gutangaza ko yifuza ko yahurira na Uncle AUSTIN muri iri rushanwa kuko ngo ari we  wundi ukora injyana ya Afrobeat ukora cyane.
N'ubundi aba bombi nibo batowe mu njyana ya Afrobeat!
Hari kandi n'abahanzi bagiye kwitabira iri rushanwa bwa mbere 'Jay C na Khalfan' batowe mu njyana ya Hip Hop.

Uko batowe

Ibisabwa kugirango witabire PGGSS

Uncle Austin yaje muri PGGSS8