Areruya
Joseph yegukanye isiganwa rya Tour de l’Espoir ryaberaga muri Cameroun,
bimuhesha itike yo gukina Tour de l’Avenir, isiganwa ry’abatarengeje imyaka 23
rya Tour de France rizaba muri Kanama 2018.
Uyu Munyarwanda w’imyaka 22
ukomeje kwandika amateka muri Afurika, yasoje ari uwa Kane mu gace ka nyuma
kabaye kuri iki Cyumweru kavaga ahitwa Akono gasoreza mu Murwa Mukuru Yaoundé
ku ntera ya kilometero 80.5 kegukanwa n’Umunya-Eritrea, Henok Mulubrhan,
wakoresheje 1:50’44’’.
Ni ‘Etape’
abakinnyi bose basigaye mu irushanwa uko ari 54 bakinnye bari kumwe cyane
kugera irangiye kuko ntawasigaye inyuma cyangwa ngo hagire usiga abandi cyane.
ARERUYA niwe wahabwaga
amahirwe yo kwegukana iri rushanwa nyuma yo gukora akazi gakomeye we na Mugisha
Samuel kuri ‘Etape’ ya gatatu bakayitwara basize abandi igihe kirenga iminota
ibiri. Bigatuma asiga ho iminota ibiri n’amasegonda 16 Umunya-Eritrea
MEBRAHTOM Natnael wari uyoboye urutonde muri ‘etape’ ebyiri za mbere ari nawe
wari umukurikiye.
Nyuma yo kuzenguruka inshuro
ebyiri mu murwa mukuru Yaoundé, abasiganwa bageze ku murongo begeranye ariko
umunya-Eritrea witwa Henok Mulubrhan aba ariwe wegukana ‘etape’
akoresheje 1h50’44”, akurikiwe n’umunya Morocco Mehdi Chokri.
ARERUYA Joseph “Kimasa”
yabaye uwa kane kuri iyi ‘etape’ ariko yegukana irushanwa muri rusange kuko
batabashije gukuramo ibihe yabasigaga.
Ni irushanwa rya gatatu
rikomeye atwaye mu mezi ane gusa, kuko nyuma yo gutwara “Tour du Rwanda” mu
mpera z’umwaka ushize, mu kwezi gushize yanatwaye “La Tropicale Amissa
Bongo” muri Gabon, none yerukanye n’iri rushanwa ryahuzaga ikipe z’ibihugu 10.
Iri siganwa “Tour de
l’Espoir” ni inzira iha amahirwe abakinnyi b’umukino wo gusiganwa ku magare yo
gukina mu isaganwa rya mbere ku isi mu mukino w’amagare “Tour de France”.
Ubwo haburaga iminota mike
ngo ‘etape’ ya nyuma itangire abakomiseri bayoboye irushanwa bahinduye inzira
abasiganwa bari kunyuramo ndetse binagabanyaho ibilometero 9 ku burebure
bw’urugendo baribukore.
No comments:
Post a Comment