Zimwe mu mpamvu zituma abantu babyibuha nyuma yo gushyingirwa.

Ubushakashatsi butandukanye bwerekanye ko amahirwe yo kubyibuha nyuma yo gushyingirwa ri menshi kandi birigaragaza ko nyuma y’amezi 6 gusa , abashyingiranywe baba baratangiye kuba banini ugereranyije n’uko bahoze bakiri ingaragu

Turebere hamwe impamvu zituma abashakanye bahita batangira kongera ibiro nk'uko urubuga elcrema rwandika ku buzima rwabitangaje.

1.Imirire irahinduka

Uko bigaragara , abamaze gushyingirwa barya bitandukanye n’ingaragu. Ni abantu 2 bababihuje bafite ibyo bakunda kurya bitandukanye. Ibyo kandi bigira ingaruka kuri buri umwe, bashaka guteka neza, amafunguro badasanzwe bateka rimwe na rimwe.

Ikiyongeraho n’uko umugore aba ashaka gushimisha umugabo we akabinyuza mu byo amutegurira.

2.Gusinzira

Iyo abantu bamaze gushyingirwa bagira inshingano.Buri umwe mu bashakanye aba afite icyo agomba mugenzi we , ibyo rero bikagira ingaruka ku buryo umuntu yari asanzwe asinzira.Kubura ibitotsi bishobora kongera umubyibuho kandi burya ngo abamaze gushyingiranwa basinzira igihe gito ugereranije n’ingaragu.

3.Gusohokana

Abamaze igihe gito bashyingiranwe bakunze gufata akanya bagasohoka bakajya kurira mu tubari , restora nk’abagiteretana. Nabyo biri mu byongera umubyibuho.

4. Kutita ku biro(umubyibuho)

Biroroshye kwita ku mubyibuho wawe igihe ukiri ingaragu kurusha uwashatse.Iyo umaze gushyingirwa  ugabanya imyitozo ngororamubiri kandi kugumana taille ntibiba biguhangayikishije cyane.Guharanira kuba mwiza bigenda bigabanuka iyo umaze gushaka umugore cyangwa umugabo, kuko uba utagikeneye cyane gukurura abo mudahuje igitsina.

5.Igitutu kiragabanuka.

Iyo umuntu ari ingaragu urungano rumushyiraho igitutu, inshuti zitera igitutu ku bijyanye n’ubwiza no taille(tayi).Iyo rero umaze gushaka icyo gitutu kiragabanuka.

6.Gutwita.

Ku bagore,gutwita nabyo byongera umubyibuho.Abagore batwite bakunze kurya ibiryo bibyibushya kandi ntibongere imyitozo ngororamubiri(siporo). Niyo mpamvu benshi mu bagore batwite usanga biyongera ibiro cyane.

7.Ibyihutirwa birahinduka(priorities)

Kubera inshingano zizana no gushyingirwa ,usanga ibyihutirwa bihinduka ugereranyije n’igihe wari umusore cyangwa inkumi.Ukiri ingaragu ashyira imbere gukurura abo badahuje igitsina ariko nyuma yo gushyirwa , abana , akazi n’izindi nshingano z’urugo nizo ziza mbere.

8.Umunaniro n’umunabi

Abashakanye bagira umunaniro ukabije ugereranyije n’ab’ingaragu.Umunaniro ukabije(stress) n’umunabi bituma abashakanye bafata amafunguro adatunganye bikabaviramo umubyibuho.

 Umushakashatsi w’umwongereza yasanze abagore iyo bafite ibibazo ku rushako barya ibirimo amasukari menshi, n’ibibyibuhisha.

9.Umunezero w’abashakanye

Nk’ uko umunaniro n’umunabi bitera abashakanye kongera ibiro, hari ubushakashatsi bwerekanye kokunezerwa n’urushako nabyo bituma abashakanye babyibuha

Ubushakashatsi bwakozwe mu myaka 4,bugatangazwa mu kanyamakuru kandka ku buzima (Health psychology Journal)bwagaragaje ko iyo abashakanye banyuzwe, banezerewe nabwo bagira umubyibuho