ADPER Nyarugenge na yo yafunzwe mu nsengero zitujuje ibisabwa

Nyuma y’ibikorwa byo gufunga insengero zitujuje ibisabwa mu mujyi wa Kigali, urusengero rwa ADPER Nyarugenge ruri mu za mbere zubatswe mu Mujyi wa Kigali rwanafatwaga nk rumwe mu zikomeye  na rwo rwafunzwe.

Ubuyobozi bw’umudugudu bwamanitse itangazo rimenyesha abakirisitu ba ADEPR n’abandi bahasengeraga ko uyu munsi  ku wa 8 Werurwe,  nta materaniro ahari kubera urusengero rufunze.

ADEPR Nyarugenge yari imaze iminsi mu mushinga wo kubaka urusengero rugezweho ruzajya rwakira abantu benshi ariko iri hagarikwaa rikaba ribaye batararutaha.  

Uru rusengero rufunzwe nyuma y’izindi nyinshi zashyizweho ingufuri zisabwa gutunganya ibikenewe ngo zikomorerwe.

Igikorwa cyo gufunga insengero zitujuje ibisabwa cyatangiriye mu Mujyi wa Kigali mu mpera za Gashyantare aho izigera kuri 714 zafunzwe; igikorwa cyakurikiranye n’itabwa muri yombi ry’abapasiteri bashatse kwitambika ubu bugenzuzi barimo Apôtre Rwandamura Charles, R. Pasiteri Nyamurangwa Fred, Bishop Rugagi Innocent, Rev. Ntambara Emmanuel, Pasiteri Dura James na Pasiteri Kalisa Shyaka Emmanuel.

Iri genzura ryakomereje no mu bindi bice by’igihugu aho mu turere dutandukanye hari izagiye zifungwa.

Uru rusengero ruri mu za mbere zubatswe mu Mujyi wa Kigali aho Itorero rya ADEPR ryashinze imizi ahagana mu 1978 ritangiriye i Gasave, Paruwase yaguye imiryango ikabyara iya Nyarugenge. Kuri uyu mudugudu niho habarizwa Korali Hoziana ifite amateka ahambaye muri ADEPR kuko yabonye izuba mu 1978 .