Ibyiza byinshi byo kurya amashu mu buzima

Amashu ni bimwe mu biribwa abantu besnhi badakunda , bamwe bavuga ko atagira icyanga abandi bakavuga ko atagira intungamubiri, ariko afite akamaro gakomeye ku buzima nk’uko tubisanga muri iyi nkuru.

·         Amashu abamo ikinyabutabire cyitwa DIM (diindolylmethane) kiyaha ubushobozi bwo kuturinda ingaruka ziterwa n’imirasire mibi y’izuba (UV na IR) kimwe n’iva mu cyuma cya radiographie (X rays). Iki ikinyabutabire iyo gifatanyije n’ikindi cyitwa sulforaphane bifasha mu kurwanya cancer.

·         Habamo anthocyanins zifasha mu kubyimbura bityo bikaba birinda indwara z’umutima zinyuranye

·         Kuba harimo vitamini C byongerera ingufu budahangarwa bw’umubiri

·         Kuba harimo fibre bituma afasha mu igogorwa ry’ibiryo akarinda kwituma impatwe

·         Kubura vitamini C bitera kubyimba ishinya no kuva amaraso mu menyo, izi mboga ni umuti wabyo

·         Harimo sulfur ikaba igira uruhare mu kwihutisha gukira kw’ibisebe no kurinda kurwara ibisebe. Ibisebe byaba ibyo ku ruhu cyangwa mu gifu, ishu ni umuti

·         Rifasha mu buzima bw’amaso kuko harimo beta-carotene

·         Kuba ririmo calories nkeya bituma rifasha abifuza kunanuka

Ibyiza byo kurya amashu ni byinshi kandi ari mu mboga zitagira ingaruka na nkeya ku buzima.