Urupfu rwa Mowzey Radio ni igihano Imana yampaye-Weasel

Mu magambo Weasel yavugiye ku kiriyo cya nyakwigendera Mowzey Radio mu kwezi gushize, yavuze ko atazakomeza kuba uko yari ameze akiri kumwe nuwo bafatanyaga kuririmba afata nk'intwari.
 Abafana b'itsinda rya GoodLife bakomeje kumwihanganisha no kumutera ingabo mu bitugu ariko ibintu bikomeza kuzamba.
 Uyu muhanzi Weasel atangaza ko ibirimo kuba bitamutungura! Avuganira n'umunyamakuru wa Simba FM mu mpera z'icyumweru dushoje yahishuye ukuntu Imana yamuhaniye ibyaha bye ubwo yatwaraga Mowzey Radio bafatanyaga gukora umuziki.
Yagize ati'Ndabizi Imana yampaniye ibyaha byanjye igihe yatwaraga Mowzey Radio , sintungurwa na gato rero n'ibirimo kumbaho.'

Kuva Radio yitaba Imana Goodlife yarahindutse bikomeye. Iri tsinda ryaranzwe n'intonganya hagati ya Weasel n'umujyanama we Chagga bimuviramo no kwirukanwa.