Inyungu 5 abagore bakura mu mwitozo wo guterura ibiremereye.

 

 

Mu myitozo ngororamubiri hari abagore bumva ko guterura ari iby’abagabo  ndetse ko umugore wabikora byamugiraho ingaruka mbi.

Nyamara siko bimeze ahubwo ababikora babikuramo inyungu nyinshi.

Niba rero uri mu batewe ubwoba n’amakuru avuga ko guterura ari bibi ku mugore, ibyo byikuremo ahubwo utangire uwo mwitozo. Dore inyungu  5 wakura mu mwitozo wo guterura nk’uko urubuga Onlymyhealth rwazikusanyije.

 

·         1.kugabanya ibinure.

Ni ukuri ko guterura bifasha abashaka kubaka umubiri, ariko bifasha muri byinshi birenze gukora intugu zituga ishati.nubwo benshi bafata guterura ibiremereye nk’umwitozo  wo kongera imikaya  , binafasha abifuza gutwika ibinure vuba. Uyu mwitozo ukaba ubigufasha mu gihe na nyuma y’imyitozo.

2.kugira igihagararo cyiza.

 

Uko uva ku kiremereye buhoro ujya ku biremereye kurushaho,niko imikaya yawe igenda ikomera, ukanagira umubyimba mwiza.Uyu mwitozo kandi ugufasha kugabanya ibiro uko ubyifuza mu gihe gito

3.Kongera imbaraga.

 

Uko ukora imyitozo ikomeza imikaya niko wongera ibinure utwika buri munsi. Ibi byongera imbaraga bigatuma n’ibinure umubiri wakoze ubikoresha neza.

4.Ibitotsi byiza.

 

Ubushakashatsi bwagaragaje ko imyitozo isaba imbaraga ituma uwayikoze agira ibitotsi byiza.Ushakashashatsi bwamuritswe mu kinyamakuru the international sportmed bugaragaza ko imyitozo y’imbaraga nyinshi buri gitondo yongera igihe umuntu asinzira mu ijoro rikurikiyeho ndetse aba ari ibitotsi byimbitse aho umuntu yicura gacye cyane.

·         5.Ubuzima bw’umutima

Ishyirahamwe ry’abarwayi b’umutima muri Usa  rishishikariza abantu bafite ibyago byo gufatwa n’uburwayi bw’umutima gukora imyitozo yo guterura nk’uburyo bwiza bwo kwirinda.Ubushakashatsi bwamuritswe mu kinyamakuru cyitwa Strength and conditioning bwagaragaje ko abantu baterura ibiremereye bafite ibyago bike byo kwandura uburwayi bw’umutima.Impamvu nuko uyu mwitozo urwanya umuvuduko ukabije w’amaraso , isukari nyinshi mu mubirin’ibindi bitera ubwo burwayi.