Uko Amavubi yakiriwe I Kigali biteye isoni ugereranije na Areruya Joseph na bagenzi be

Abakinnyi b’ikipe y’igihugu ubwo yageraga I Kigali kuri uyu mugoroba, bakiriwe  n’abantu mbarwa , nabwo abenshi ari abo mu miryangoyabo , n’abafana wabarira ku biganza, ibintu bias n’ibitangaje ku ikipe y’igihugu.

Bageze ku kibuga cy’indege I kanombe Babura n’imodoka bagenewe yari kubageza kuri hotel bibasaba kwitegera , binyuranye n’ibyabaye mu minsi 3 ishize ( kuwa 23 Mutarama 2018 ) ubwo Areruya Joseph na bagenzi be  basanze bateguriwe imodoka zifunguye , hejuru ziberekeza mu birori kuri sitade, aho kandi icyo gihe  abaturage bakikije imihanda ya Kigali batitaye ku kavura ,bakabagaragariza  ibyishimo babafitiye.  Kuba amavubi atakiriwe n’abafana cyangwa n’abayobozi , mu nzego runaka ni ikimenyetso cy’uko uko bitwaye bitanyuze abanyarwanda.

Bageze i Kanombe baseka ubona ko bishimiye aho bageze mu irushanwa rihuza amakipe y’ibihugu y’abakina imbere mu gihugu, (CHAN2018) ribera muri Maroc.

Mashami Vincent Umutoza wungirije w’Amavubi ati: “Ni imikino yafashije abakinnyi bacu kuzamura urwego. Ni indi ‘experience’ (ubunararibonye) babonye kuko abenshi ni bashya, ntabwo baramenyera amarushanwa.

 Twatanze ibyo twari dufite byose. Ndashimira abakinnyi cyane nubwo tutageze aho twifuzaga. Si iherezo ry’ubuzima bw’umupira mu Rwanda. Tuzakomeza gutegura amarushanwa ataha.”

Nk’uko twabibatangarije mu nkuru iheruka,  iyi kipe yageze mu Rwanda itari kumwe n’uwari umtoza mukuru wayo  Antoine Hey kuko yahagarikiwe amasezerano nyuma yo kunanirwa kwitwara neza

U Rwanda rwakinnye imikino itatu, uwa mbere rwanganyije na Nigeria, (0-0), umukino wa kabiri rwatsinze Equatorial Guinea 1-0 n’umukino wa nyuma wabaye ku wa kabiri rusezererwa na Libya yabatsinze igitego 1-0 ku munota wa nyuma w’umukino kandi u Rwanda rwasabwaga kunganya ngo rukomeze mu kindi kiciro.

Uburyo amavubi yakiriwemo, ni ikimenyetso cy’uko hari icyo Abanyarwanda bayitegaho, ariko ntibakibone.

Abanyarwanda benshi bari baje kwakira abasore b'amagare/ photo Igihe.com