Menya akamaro utakekaga kurira byakugirira.

Abantu benshi ntibazi inyungu umuntu akura mu kurira.Ushobora kurira ubitewe nuko uwo wihebeye yakwanze,uwo ukunda yitabye Imana cyangwa ukareba filimi ikagukora ku marangamutima ukarira. Ibyo byose rero ntibikagutere ipfunwe kuko kurira bifite akamaro.

Urubuga rwa Elcrema rutanga inama ku buzima, rwashyize ahagaragara imimaro igera kuri 6 kurira bifite mu buzima bwa muntu.

1.Kurira bituma umuntu areba neza

Ikigo cy’Abanyamerica( National Eye Institute) cyagaragaje ko amarira atuma ijisho rigira ubuhehere  kandi akoza umukungu n’indi myanda ishobora kwitekera mu jisho bityo bigatuma umuntu areba neza.

2.Kwakira ibyakubayeho.

Rimwe na rimwe umuntu yihagararaho mu bibazo bikomeye byamugwiririye ntarire nyamara agahinda ari kose.nubwo kurira bidakemura ikibazo uba wagize  ariko bituma ubasha kubyakira no kumenya uko ubyitwaramo. Nyamara iyo ubabaye ariko ukihagaraho nturire wibwira ko hari abaguseka, ibyo bigira ingaruka ku marangamutima yawe.

3.Kurira bigabanya agahinda.

Ubushakashatsi bwo muri 2008 bwakozwe na kaminuza yo muri Amerca(University of South Florida ) bwagaragaje ko nyuma yo kurira, ibyishimo by’umuntu byiyongera kuruta uwakoresheje indi miti igabanya agahinda. Muri Ubwo bushakashatsi , ababukoze babonye ko kurira byagabanyirije agahinda 90% by’ababukoreweho.

4. kurira bigabanya umunaniro ukabije(stress).

Ubushakashatsi bwakozwe na Dr. William H.Frey II, wo mu kigo cy’ubuvuzi cya St Paul-Ramsey bwagaragaje ko amarira aturuka ku mbamutima atandukanye n’aterwa n’ikintu cyakora mu jisho( urugero:urya mwuka w’igitunguru kigikatwa).Ubu bushakashatsi bwagaragaje ko amarira aturuka ku gahinda afasha umubiri gusohora ibinyabutabire bikora umusemburo utera umunaniro ukabije.

5. kurira byongera ubudahangarwa bw’umubiri.

Burya amarira abamo ibyafasha ubudahangarwa bw’umubiri.Amarira aturuka ku mbamutima (emotions)abamo umusemburo witwa Lysozyme ,uturinda indwara n’ubwandu

6. Kurira byongera ubucuti.

Kurira bituma abantu bakugirira impuhwe abandi bakagukunda kurushaho. Kurira kandi bishobora gutuma wumva ko witawe kandi washyigikiwe.