Aline Gahongayire yafatanyije na P Fla kuririmba indirimbo asaba nyina imbabazi.

P-Fla, umuhanzi ukora Rap, ari gukorana indirimbo n’umuhanzi wa ‘gospel’ Aline Gahongayire. Ngo ni indirimbo P-Fla azatambutsamo ubutumwa busaba nyina imbabazi kubera ibyo yamukoreye.
Mu cyumweru gishize kuri Instagram ya Producer Ishimwe Clement yashyizeho ifoto ari kumwe na Aline Gahongayire  na P fla, yandikaho ko hari icyo bari gukorana.
 P-Fla, umuhanzi ukora Rap, ari gukorana indirimbo n’umuhanzi wa ‘gospel’ Aline Gahongayire. Ngo ni indirimbo P-Fla azatambutsamo ubutumwa busaba nyina imbabazi kubera ibyo yamukoreye.
Mu cyumweru gishize kuri Instagram ya Producer Ishimwe Clement yashyizeho ifoto ari kumwe na Aline Gahongayire  na P fla, yandikaho ko hari icyo bari gukorana.
Aline Gahongayire yabwiye Umuseke ko indirimbo bariho bakorana na P-Fla yarangiye izasohoka muri iki cyumweru. Yemeza ko P-Fla ariwe wamwegereye amusaba ko bakorana.
yahamagaye Gahongayire amubwira ko akiri muri gereza yumvaga indirimbo ze zikamugera kumutima cyane ngo iyitwa ‘Warampishe’.
Amaze kurekurwa ngo yamusabye ko bazahura bakaganira, barabonana P-Fla amusaba ko  bakorana indirimbo kubera ibyo yicuza.
Iyi ndirimbo bakoranye ngo irimo amagambo yo gusaba imbabazi nyina, Nzamukosha Hadidja, no kumuhamiriza ko yahindutse atazasubira inyuma.
Gahongayire avuga ko yashimishijwe n’icyemezo cyo guhinduka kwa P-Fla, ndetse nawe ngo yamwumvise vuba akamwemerera ko bakorana indirimbo.
Ati “Byaranshimishije kumva umuntu wanyuze mu mateka mabi yifuje guhinduka agasaba imbabazi nanjye ndi umubyeyi kandi wifuza gufasha buri muntu wese wifuza kuva aho ari akagera ahandi agahinduka,  ibi Pfla yakoze bishimisha Imana”.
Gahongayire avuga ko uretse P-Fla  hari n’abandi bahanzi bari gukorana nka Riderman na AmaG the Black.
Amakuru atugeraho aremeza ko Riderman yasabye Gahongayire ngo basubiranemo indirimbo ya Riderman yo mu bihe bishize yitwa ‘Umwana w’umuhanda’ na AmaG akazayiririmbamo.

Src: Umuseke.