Zimbabwe: Abasirikare bahiritse Robert Mugabe bihembye gusambanya indaya ku buntu

Abasirikare bakuru b’igihugu cya Zimbabwe (ZNA) bari hirya no hino muri iki gihugu bashyizwe mu majwi ko bakorana ku ngufu imibonano mpuzabitsina ku buntu (Batishyuye) n’abakobwa n’abagore bakora imirimo yo kwicuruza (Sex workers) muri iki gihugu nk’igihembo cy’uko bahiritse Robert Mugabe wahoze ari Perezida w’iki gihugu, umwanya yakuweho n’izi Ngabo zigashyiraho Perezida Emmerson Mnangagwa mu cyiswe ‘Military Coup’ bishatse kuvuga ko ubutegetsi bwahiritswe n’igisirikare.

Ibi ni ibyagaragajwe n’ubushakashatsi bwakozwe mu kwezi gushize n’ikigo cy’igihugu gishinzwe kurwanya Sida muri Zimbabwe, NAC (The National Aids Council) gifatanyije na Polisi yo muri iki gihugu, aho baba bagenzura ubumenyi bw’abashinzwe umutekano bo ku rwego rwa Ofisiye, imyitwarire yabo ndetse n’uburyo bitwara mu baturage hagendewe ku kureba abaka ruswa y’igitsina, abatinganyi, n’abakoresha ibiyobyabwenge.

Muri ubu bushakashatsi bwakozwe ngo hari abakozi b’igitsina gore batanze ubuhamya bavuga ko bamwe mu basirikare bo ku rwego rwa Ofisiye babasanga mu mirimo yabo yo kwicuruza bakabafatiraho imbunda babasaba ko babemerera gukorana imibonano mpuzabitsina ku buntu.

Ikinyamakuru Allafrica dukesha iyi nkuru cyavuze ko umwe muri izi ndaya watanze ubuhamya yavuze ko aba basirikare bavuga ko bagaruye ubwigenge mu gihugu bityo nabo bakaba barimo kwihemba gusambana nabo batabishyuye. Ngo bakoresha imbunda mu kubatera ubwoba bikarangira izi ndaya zemeye kuryamana nabo ku buntu.

Ubu bushakashatsi bwiswe ‘Ubumenyi, imyitwarire n’ibikorwa by’abashinzwe umutekano mu baturage ba Zimbabwe’ kandi bwagaragaje ko hari ibindi bikorwa bigayitse bikorwa n’abapolisi bo muri iki gihugu ari nabo baba bafite kurwanya ibyaha mu nshingano zabo ariko ngo nibo barimo gushyigikira icuruzwa ry’abantu cyane cyane abakora uburaya bakanateza ubwandu bushya bw’agakoko gatera Sida. Abapolisi b’abagabo kandi nabo bashinjwa kwaka igitsina izi ndaya mu gihe baba bari ku burinzi mu masaha y’ijoro.

Abasirikare bakuru b’igihugu cya Zimbabwe (ZNA) bari hirya no hino muri iki gihugu bashyizwe mu majwi ko bakorana ku ngufu imibonano mpuzabitsina ku buntu (Batishyuye) n’abakobwa n’abagore bakora imirimo yo kwicuruza (Sex workers) muri iki gihugu nk’igihembo cy’uko bahiritse Robert Mugabe wahoze ari Perezida w’iki gihugu, umwanya yakuweho n’izi Ngabo zigashyiraho Perezida Emmerson Mnangagwa mu cyiswe ‘Military Coup’ bishatse kuvuga ko ubutegetsi bwahiritswe n’igisirikare.

Ibi ni ibyagaragajwe n’ubushakashatsi bwakozwe mu kwezi gushize n’ikigo cy’igihugu gishinzwe kurwanya Sida muri Zimbabwe, NAC (The National Aids Council) gifatanyije na Polisi yo muri iki gihugu, aho baba bagenzura ubumenyi bw’abashinzwe umutekano bo ku rwego rwa Ofisiye, imyitwarire yabo ndetse n’uburyo bitwara mu baturage hagendewe ku kureba abaka ruswa y’igitsina, abatinganyi, n’abakoresha ibiyobyabwenge.

Muri ubu bushakashatsi bwakozwe ngo hari abakozi b’igitsina gore batanze ubuhamya bavuga ko bamwe mu basirikare bo ku rwego rwa Ofisiye babasanga mu mirimo yabo yo kwicuruza bakabafatiraho imbunda babasaba ko babemerera gukorana imibonano mpuzabitsina ku buntu.

Ikinyamakuru Allafrica dukesha iyi nkuru cyavuze ko umwe muri izi ndaya watanze ubuhamya yavuze ko aba basirikare bavuga ko bagaruye ubwigenge mu gihugu bityo nabo bakaba barimo kwihemba gusambana nabo batabishyuye. Ngo bakoresha imbunda mu kubatera ubwoba bikarangira izi ndaya zemeye kuryamana nabo ku buntu.

Ubu bushakashatsi bwiswe ‘Ubumenyi, imyitwarire n’ibikorwa by’abashinzwe umutekano mu baturage ba Zimbabwe’ kandi bwagaragaje ko hari ibindi bikorwa bigayitse bikorwa n’abapolisi bo muri iki gihugu ari nabo baba bafite kurwanya ibyaha mu nshingano zabo ariko ngo nibo barimo gushyigikira icuruzwa ry’abantu cyane cyane abakora uburaya bakanateza ubwandu bushya bw’agakoko gatera Sida. Abapolisi b’abagabo kandi nabo bashinjwa kwaka igitsina izi ndaya mu gihe baba bari ku burinzi mu masaha y’ijoro.