Bimwe mu byo wakora bigatuma ugaragara nk’ukiri muto n’iyo waba ukuze.

Haramutse haje umuti utuma abantu bagaragara ko badakuze wagurwa ku bwinshi, kubera ko abantu bose baba bifuza isura y’ubuto.  Hari n’abantu baba bagaragara ko bashaje , kandi uramutse ugiye mu kuri kw’imyaka yabo, wasanga ntaho bihuriye ; Mu bituma abantu bagaragara nk’abakuze harimo ibyo abantu bitera ku giti cyabo, bityo tukaba  twabateguriye iyi nkuru, ngo umuntu abashe kumenya icyo yakora ngo  abe yakwirinda kugaragara nk’ukuze kandi yabigizemo uruhare.

Kwirinda Kunanirwa mu mutwe ( stress )

Kugira ngo ube muto, ugomba kuba utekereza nk’abato, ku buryo guhora ufite ibikunanije mu mutwe bishobora kugutera ibibazo ,byanagera no ku burwayi. Niyo mpamvu umuntu aba asabwa kumenya ibintu bimutera umunaniro mu mutwe, akabyiyibgiza akoresheje gukora siporo, kuruhukira mu bimushimisha, n’ibindi.  Umuhanga mu bijyanye no kurwanya indwara z’ubusaza  Dr. Paul Galbraith avuga ko kugira umwanya  uhagije wo kuruhuka  bituma umuntu ashira stress kuko iyo uhora unaniwe bituma imitsi yo mu mutwe yangirika bigatera gusaza imburagihe. Atanga izindi ngero z’ibyatuma umuntu abaho nta munaniro nko guseka, kurira, kwishimisha, kureba amabara ukunda kubana neza n’abandi no kwirinda ibyatuma utishima.

 Kwirinda Kuryama imburagihe

Dr. Paul Galbraith akomeza avuga ko kuryama ari igihe cyiza umubiri uruhuka, n’uturemangingo twapfuye umubiri ugakora utudusimbura, hanakurwamo imisemburo  itari myiza , ni nacyo gihe bemeza ko umuntu akurira.

Ikirenze kurii ibi, abaganga bemeza ko umuntu ukuze na we akeneye amasaha 7 cyangwa 8  buri munsi.

Kuri ibyo umuntu asabwa kugira igihe kidahindagurika  kandi gihagije cyo kuryamira.

Igihe umuntu aryama ariko ntasinzire uko bikwiye, ni ngombwa kwitabaza abaganga  bagafasha kuko kuryama neza ari bumwe mu buryo bwo kwirinda gusaza imburagihe.

Kwirinda Kunywa itabi :

Kunywa itabi ni ingeso ishobora gutuma umuntu yashyira ubuzima mu kaga aho yarwara indwara zirimo iz’ibihaha n’umutima. nk’uko byanditswe  na Gerald Beales umwanditsi ku itabi, Kunywa itabi

 Buri munsi bituma amaraso atabasha gutembera ngo agree  mu bice byose by’uruhu, , bityo bigatuma agira iminkanyari ku mubiri no gusaza vuba.

kunywa itabi kandi bituma umubiri ukora imisemburo ituma uruhu rudakweduka bityo umuntu akaba atabasha kubyibuha, bityo bikanatuma umuntu agira iminkanyari ya hato na hato.

Kwirinda Imirire mibi.

 Kurya nabi biri mu bituma abantu bagira uko bagaragara kuko umugani w’ikinyarwanda ubivuga ngo amagara aramirwa ntamerwa.

Umuntu agirwa inama yo kurya neza ku buryo agumana ibiro bye ku buryo n’iyo wagera mu myaka ikuze, agumana biro yahoranye mbere.

Kutagira indyo nziza ihoraho, biri mu bitma umuntu asaza  vuba kurya neza no kutagira ibikubabaza  biri mu bituma umuntu aguma  kubaho  kandi agaragara nk’ukiri muto kandi ari mukuru. 

srce :Onlymyhealth