Ubushakashatsi: Sobanukirwa ingaruka mbi kwicara igihe kirekire bifite ku bwonko bwawe.

Ubushakashatsi bwakorewe ku bakuze bwagaragaje ko kwicara igihe kirekire cyane ari bibi cyane ku buzima bw'ubwonko .
 Ubu bushakashatsi bugaragaza ko igice cy'ubwonko kibasirwa cyane n'izo ngaruka ari igice cyibutsa.
Abashakashatsi bo muri kaminuza ya California Los Angeles bavuga ko basanze kwicara gukabije gutuma agace k'ubwonko gafite umumaro wo kwibuka(Medical Temporal lobe) kananuka bigatuma umuntu yyibagirwa vuba.
Ubu bushakashatsi bwakorewe ku bantu 35 bari mu kigero cy'imyaka kuva kuri 45 kugera kuri 75,buri wese yabazwaga igihe amara yicaye ku munsi.
Nyuma yo gukusanya ayo makuru abashakashatsi basuzumye ubwonko bwabo  babona amakuru ajyanye n'ubushobozi bwabo bwo kwibuka.

Abashakashatsi bavuze ko nubwo ubu bushakashatsi bwakorewe ku mubare utari munini w'abantu ,abantu baramutse bafashe ingamba zo kuticara igihe kirekire  byafasha mu kurwanya indwara'Alzheimer' ifata ku bwonko.
Src: Onlymyhealth