Diamond agiye gusubizwa mu nkiko kubera undi mugore yateye inda akamutererana

Nyuma yo kuvugwaho kubyarana n’abagore benshi akabeterana, umuhazi Diamond Platnumz  agiye gusubizwa mu rukiko n’umugore w’umunyakenya amushinja kubyarana nawe akamutererana.

Uyu mugore witwa Gladys Butoto akomoka Diamond Platnumz’ ko baryamanye akamutera inda umwana amaze kuvuka uyu muhanzi ahita abyigarama.

Urubuga rwa internet edaily rwo muri Kenya  rwatangaje ko urubanza rwa Diamond na Gladys Butoto ruzatangira kuburanishwa ku itariki ya 20 Kamena 2018 mu Mujyi wa Dar es Salaam ari naho uyu mugore ari kugeza ubu.

Butoto, ubu acumbitse ku biro bya polisi[ahatatangajwe muri Dar es Salaam] kuko yabuze amikoro yo gusubira iwabo ataraburana ndetse ngo yabanje kugurisha telefone ye kugira ngo abone itike imugeza muri Tanzania.

Yashimangiye ko nyuma yo kubyarana na Diamond yagerageje gushaka uko bagirana ibiganiro mu buryo bwa gicuti undi aramwihisha bityo afata umwanzuro wo kugana mu nkiko.

Yagize ati “Njye ntabwo mba narateye iyi ntambwe ariko nabonye Diamond ari umuntu unsuzugura cyane, ubu rero igihe kirageze. Tuba twaraganiriye mbere tukagira ibyo twemeranya mu kurera umwana, nta n’ubwo nari guhura n’ikibazo icyo ari cyo cyose.”

Uyu muhanzi yaherukaga mu rukiko muri Gashyantare 2018, ubwo  yaburanaga na Hamisa Mobeto babyaranye. Uyu munyamideli yasabaga ko Diamond yacibwa amashilingi ya Tanzania miliyoni eshanu buri kwezi nk’indezo y’umwana babyaranye ndetse akanamwubakira inzu mu buryo bwo kumuteganyiriza ahazaza. Gusa byarangiye urubanza ruhagaze kuko diamod yaciye bugufi akemera ko babyiyumvikakira byose.