Zari Hassan wari umaze imyaka itatu abana na
Diamond Platnumz, yemeje byeruye ko iby’urukundo rwabo byageze ku ndunduro.
Uyu
mugore ukomoka muri Uganda yakundanye na Diamond ndetse bahita batangira kubana
mu mpera z’umwaka wa 2014, icyo gihe uyu muyobozi wa Wasafi Classic Baby[WCB]
yari amaze gutandukana na Wema Sepetu.
Ku mugoroba wo kuri uyu wa 14 Gashyantare
2018 ku munsi wahariwe abakundanye[Saint Valentin] nibwo Zari yanditse kuri
Instagram yemeza ko ‘ibye na Diamond byarangiye’.
Yagize ati “Mubyumve ko ari ikintu
kinkomereye gukora. Havuzwe impuha nyinshi zimwe zifite ibimenyetso mu
binyamakuru ku byerekeye Diamond no gucana inyuma kwe. Nahisemo gushyira
iherezo ku rukundo rwanjye na Diamond.”
Yavuze ko akurikije icyubahiro, agaciro,
ubunyangamugayo bwe n’imibereho afite, adashobora guhuza na Diamond Platnumz
uvugwa mu buhehesi no kubyarana n’abagore impande zose muri Tanzania no hanze.
Yongeyeho ko nubwo atandukanye na Diamond mu
rukundo ngo bazakomeza gufatanya inshingano zo kureba abana babiri babyaranye.
Yagize ati “Dutandukanye mu rukundo ariko tuzakomeza gufatanya nk’ababyeyi.
Diamond na Zari batandukanye nyuma y’iminsi
mike uyu muhanzi agejejwe mu nkiko aburana na Hamisa Mobeto babyaranye. Hamisa
Mobeto yasabye ko Diamond yacibwa amashilingi ya Tanzania miliyoni eshanu buri
kwezi nk’indezo y’umwana undi avuga ko adashobora kubona amafaranga angana atya
kuko ‘nta kazi afite’.
Aba bombi bari bamaze kubyarana abana babiri
ari bo Nillan Dangote na Latifah Dangote. Kuri Zari hiyongeraho batatu
yabyaranye na nyakwigendera Ssemwanga ari bo Pinto, Quincy n’uwitwa Didy.
Diamond afite abandi ku ruhande gusa yemera umwe witwa Abdoul yabyaranye na
Hamisa Mobeto.
Ubwo Diamond aheruka i Kigali muri Mutarama
2018, yabajijwe impamvu ashinjwa kubyara abana benshi impande n’impande.Yemeye
ko afite abana batatu gusa ndetse anashimangira ko ‘Zari atari umugore we
ahubwo ari umukunzi we’, ibi byatumye muri Tanzania hatangira gusakara ibihuha
ko ‘yatandukanye na Zari bucece’.
No comments:
Post a Comment