Russia:Indege yari itwaye abantu 71 yakoze impanuka ntihagira urokoka.

Indege y’Uburusiya itwara abagenzi yari itwaye abantu 71 yakoreye impanuka hafi y’umujyi wa Moscow ,ihitana buri wese wari uyirimo. Iyi ikaba ari imwe mu mpanuka z’indege zikomeye igwiririye iki gihugu.

Abakora iperereza bavuga ko indege Antonov An-148 yahanutsemu karere ka Ramensky kegereye umurwa mukuru Moskow ahagana saa 2:48 pm , yari yaturutse ku kibuga cy’indege cya Domodedovo. Muri iyo mpanuka abantu 65 yari itwaye na 6 bari bayitwaye bahasize ubuzima.

Abayobozi bavuze ko mu  bari muri iyi ndege harimo abana batatu.

Akanama gashinzwe iperereza mu Burusiya kavuzeko mu mpamvu zishobora kuba zateye iyi mpanuka harimo ikirere kitari kimeze neza, kwibeshya kw’abari bayitwaye cg ibibazo bya “technique”.

Ibisigazwa by'indege yari itwaye abantu 71 igakora impanuka ntihare urokoka

Ministere y’ibiza ikaba yohereje abantu 400 n’imodoka 70 aho impanuka yabereye, gusa hari urubura rwinshi  ku buryo bigoye kubona aho bahagarika izo modoka  no kugera ku bisigazwa by’indege n’amaguru.

Ministre w’ubwikorezi Maksin Sokolov yabwiye ibiro ntaramakuru AFP dukesha iyi nkuru ko hakenewe ubuhanga mu by’utugirangingo(Genetic expertise) kugira ngo hamenyekane abaguye muri iyi  mpanuka bikaba bizafata amezi2 cyangwa 3.